LlNjë ngjarje e rëndë ka ndodhur në Francë, ku një 16-vjeçar është arrestuar si i dyshuar për vrasjen e vëllait të tij 13-vjeçar dhe plagosjen e rëndë të nënës së tyre.
Sipas mediave franceze, hetuesit po verifikojnë dyshimet se adoleshenti mund t’i ketë prerë fytin të miturit, duke i shkaktuar vdekjen, ndërsa më pas ka sulmuar edhe nënën brenda banesës familjare.
Ngjarja është regjistruar gjatë natës mes 25 dhe 26 majit. Pas krimit të dyshuar, 16-vjeçari, i cili raportohet se ka pasur më herët probleme të shëndetit mendor, është vetëdorëzuar në polici.
Forcat e rendit, që mbërritën në vendngjarje, gjetën nënën dhe djalin 13-vjeçar në dhoma gjumi. I mituri nuk arriti t’u mbijetojë plagëve, ndërsa nëna është dërguar në spital në gjendje të rëndë me dëmtime serioze në kokë. Sipas burimeve policore, në banesë është gjetur edhe një thikë dhe një çekiç, të cilat dyshohet se janë përdorur në sulm.
Comments are closed.