Vendimeve Penale (IEVP) në Durrës drejt paraburgimit të Fierit. Në një deklaratë për shtyp, të datës 28 tetor 2026, Veliaj pretendon se transferimi po kryhet pa iu vënë në dispozicion akti zyrtar që e urdhëron dhe pa iu bërë të ditura arsyet ligjore të vendimit.
Sipas Veliajt, ai dhe avokati i tij kanë kërkuar disa herë të njihen me dokumentacionin, por kërkesat e tyre janë refuzuar. Kryebashkiaku e cilëson mënyrën e transferimit si një “rrëmbim policor” dhe pretendon se po cenohen rëndë të drejtat e tij.
Veliaj deklaron se nuk ka dhënë pëlqimin për transferimin dhe kundërshton mënyrën se si po realizohet, duke e cilësuar atë si të munguar në transparencë. Ai u ka bërë thirrje publike Ministrit të Drejtësisë, Avokatit të Popullit dhe Komitetit Shqiptar të Helsinkit që të ndërhyjnë urgjentisht për të verifikuar arsyet dhe shkaqet e këtij transferimi, të cilin e cilëson politik.
Deklarata e plotë e Erion Veliajt:
Sot, një grup punonjësish të Policisë së Burgjeve, të dërguar nga Drejtoria e Përgjithshme e Burgjeve, janë paraqitur në IEVP Durrës për të më transferuar në burgun e Fierit.
Pavarësisht kërkesave të përsëritura, si nga unë ashtu edhe nga avokati im, për t’u njohur me aktin që urdhëron transferimin dhe arsyet që e justifikojnë atë, na është refuzuar vënia në dispozicion e këtij dokumenti.
Një transferim i detyruar, pa më bërë të njohur aktin dhe arsyet ligjore mbi të cilat mbështetet, për mua përbën një rrëmbim policor dhe cenon rëndë të drejtat e mia.
Unë nuk kam dhënë pëlqimin për këtë transferim dhe kam kundërshtuar mënyrën se si po realizohet, pa transparencë dhe pa më mundësuar ushtrimin efektiv të të drejtave të mia ligjore.
I kërkoj publikisht Ministrit të Drejtësisë, Avokatit të Popullit dhe Komitetit Shqiptar të Helsinkit të ndërhyjnë urgjentisht, të verifikojnë arsyet dhe shkaqet e këtij transferimi politik.”
Erion Veliaj
IEVP Durrës, 28 tetor 2026
