Një ngjarje e rëndë është regjistruar mbrëmjen e sotme në Shkodër, ku është vrarë me armë zjarri shtetasi Aleksandër Koçeku.
Sipas informacionit paraprak të policisë, rreth orës 19:00, në aksin rrugor Prekal–Kir, Koçeku është gjetur brenda automjetit të tij, i dyshuar se ishte qëlluar me armë zjarri.
Menjëherë pas marrjes së njoftimit, shërbimet e Policisë kanë mbërritur në vendngjarje dhe kanë nisur kontrollet intensive në zonë për identifikimin dhe kapjen e autorit ose autorëve të dyshuar.
Njoftimi i policisë:
Shkodër/Informacion paraprak
Rreth orës 19:00, në aksin rrugor Prekal–Kir, është gjetur në automjet, i dyshuar i vrarë me armë zjarri, shtetasi A. K.
Menjëherë pas marrjes së njoftimit, shërbimet e Policisë kanë shkuar në vendngjarje dhe vijojnë kontrollet intensive në zonë për lokalizimin dhe kapjen e autorit/ve.
Ndërkohë, është ngritur një grup i posaçëm hetimor dhe nën drejtimin e Prokurorisë, po punohet intensivisht për fiksimin dhe administrimin e çdo prove që do t’i shërbejë hetimit, me qëllim zbardhjen e plotë të ngjarjes, dokumentimin ligjor të saj, si dhe identifikimin dhe kapjen e autorit/autorëve.
