Mbi 103 artikuj luksozë, duke përfshirë bizhuteri të çmuara dhe ora koleksionistësh me një vlerë totale midis 2 dhe 3 milionë euro, si edhe gjerdanë me rubin, smerald dhe safir, varëse diamanti, vathë, byzylykë, unaza luksoze, si dhe ora prestigjioze Omega dhe Longines u gjetën në atë që cilësohet si ‘thesari’ në zyrën e ish-kryeministrit të Spanjës, José Luis Rodríguez Zapatero.
Sipas hetuesve spanjollë, kjo mund të jetë vetëm një pjesë e “thesarit” të ish-kryeministrir, tani në qendër të një skandali politik dhe gjyqësor që rrezikon të trondisë qeverinë e Pedro Sánchez.
Sipas mediave spanjolle, dosja hetimore e paraqitur në gjykatë është voluminoze, mbi 4,000 faqe, dhe përfshin dyshime për dhënie ndikimi, ryshfet, kontrata fiktive dhe pastrim parash në bashkëpunim me qarqe të lidhura me regjimin venezuelian.
Zapatero, i cili drejtoi qeverinë spanjolle nga viti 2004 deri në vitin 2011 dhe për vite me radhë u konsiderua simbol i reformizmit progresiv evropian, tani akuzohet se mund të ketë qenë në krye të një rrjeti të paligjshëm që shtrihej nga Spanja në Amerikën Latine dhe deri në Kinë.
Comments are closed.