Kryeministri Edi Rama ka njoftuar një politikë të re pagash që sjell një tjetër lajm të mirë për punonjësit e sektorit publik. Sipas tij, qeveria do të nisë praktikën e indeksimit vjetor të pagave në përputhje me nivelin e inflacionit, duke garantuar që çdo vit pagat të korrigjohen automatikisht.
“Është një politikë e re e pagave, e kombinuar me rritjen e përgjithshme si rezultat i rritjes së pagës minimale,” u shpreh Rama, duke theksuar se kjo nismë do të shtojë rreth 100 milionë euro në buxhetin e dedikuar për forcimin e fuqisë blerëse të qytetarëve që nga viti 2026.
Sipas planit të qeverisë, 10,600 punonjës të shërbimeve, si sanitare, shoferë, magazinierë dhe arkivistë, do të përfitojnë një rritje prej 10 mijë lekësh të reja në muaj. Për specialistët e administratës publike, paga do të rritet me 5 mijë lekë të reja, ndërsa mësuesit do të përfitojnë një shtesë prej 3 mijë lekësh në muaj.
Në shëndetësi, përveç indeksimit, do të nisë edhe llogaritja e vjetërsisë në punë. Kjo do të thotë se paga mesatare për mjekët e përgjithshëm do të rritet nga 131,700 lekë në 143,500 lekë, për mjekët në spitale nga 174 mijë lekë në 186 mijë lekë, ndërsa për infermierët paga do të shkojë nga 87 mijë lekë në 92,500 lekë në muaj.
Edhe punonjësit e Policisë së Shtetit do të përfitojnë dyfish, përveç indeksimit vjetor, do të aplikohet edhe rritja për vjetërsinë në punë, e cila për gradat më të ulëta përkthehet në një rritje mesatare prej 5 mijë lekësh në muaj.
Kështu konkretisht:
10600 punonjës shërbimi, sanitare, shoferë, teknikë, protokollistë, arkivistë, magazinierë do të përfitojë nga rritja e pagës minimale me 10 mijë lekë të reja në muaj.
Për specialistët e administratës publike rritja do të jetë 5 mijë lekë të reja.
Mësuesit do të përfitojnë pagë, 3 mijë lekë të reja më shumë në muaj.
Për herë të parë në sektorin e shëndetësisë, përveç indeksimit vjetor, do të fillojë edhe llogaritja e vjetërsisë në punë, që do të thotë si mesatare për mjekët e përgjithshëm nga 131.700 lekë në 143.500 lekë të reja në muaj.
Për mjekët në spitale nga 174 mijë lekë në 186 mijë lekë të reja në muaj.
Për infermierët nga 87 mijë lekë në 92.500 lekë në muaj.
Po ashtu, edhe për punonjësit e policisë së shtetit, përveç indeksimit, do të ketë rritje për vjetërsinë në punë, e cila për gradat më të ulëta përkthehet në një rritje mesatare me 5 mijë lekë të reja në muaj.
E thënë ndryshe, për një punonjës me vjetërsi mesatare 15 vjet, sipas gradave pagat rriten si më poshtë:
Për inspektorët e thjeshtë nga 80.500 lekë të reja në 84.500 lekë të reja, plus shtesa për kushtet e punës dhe ushqimit, që e çon pagën mesatarisht në 100 mijë lekë të reja.
Për nënkomisaret, paga do të rritet nga 95.500 në 101 mijë lekë të reja, e cila me shtesën për kushtet e punës dhe po ashtu, për ushqimin shkon në 116 mijë lekë të reja.
Për komisarët nga 105 mijë në 110.600 dhe me shtesën për kushtet e punës, plus për ushqimin, shkon në 125.600 lekë të reja.
Dhe për drejtuesit e thjeshtë, nga 130.500, paga do të shkojë 141.450 lekë të reja, që me shtesën dhe me ushqimin bëhet mesatarisht 156.450 lekë të reja.
Pjesë nga fjala e Ramës:
Përshëndetje përsëri këtu nga zyra ime, sepse ka një tjetër lajm shumë të mirë në projekt-buxhetin 2026, i cili është fillimi i praktikës së indeksimit vjetor, edhe për pagat e punonjësve të sektorit publik, qoftë në nivel qendror, qoftë nivel vendor, të cilat do të korrektohen çdo vit në bazë të inflacionit.
Kjo është një politikë e re pagash, që e kombinuar me rritjen e përgjithshme si rezultat i rritjes së pagës minimale për të gjithë, i shton gati 100 milionë euro, qysh në vitin e parë 2026, shumës që mandati i katërt do të vërë në dispozicion të rritjes së fuqisë blerëse të të gjitha kategorive shoqërore.
Kështu konkretisht:
10600 punonjës shërbimi, sanitare, shoferë, teknikë, protokollistë, arkivistë, magazinierë do të përfitojë nga rritja e pagës minimale me 10 mijë lekë të reja në muaj.
Për specialistët e administratës publike rritja do të jetë 5 mijë lekë të reja.
Mësuesit do të përfitojnë pagë, 3 mijë lekë të reja më shumë në muaj.
Për herë të parë në sektorin e shëndetësisë, përveç indeksimit vjetor, do të fillojë edhe llogaritja e vjetërsisë në punë, që do të thotë si mesatare për mjekët e përgjithshëm nga 131.700 lekë në 143.500 lekë të reja në muaj.
Për mjekët në spitale nga 174 mijë lekë në 186 mijë lekë të reja në muaj.
Për infermierët nga 87 mijë lekë në 92.500 lekë në muaj.
Po ashtu, edhe për punonjësit e policisë së shtetit, përveç indeksimit, do të ketë rritje për vjetërsinë në punë, e cila për gradat më të ulëta përkthehet në një rritje mesatare me 5 mijë lekë të reja në muaj.
E thënë ndryshe, për një punonjës me vjetërsi mesatare 15 vjet, sipas gradave pagat rriten si më poshtë:
Për inspektorët e thjeshtë nga 80.500 lekë të reja në 84.500 lekë të reja, plus shtesa për kushtet e punës dhe ushqimit, që e çon pagën mesatarisht në 100 mijë lekë të reja.
Për nënkomisaret, paga do të rritet nga 95.500 në 101 mijë lekë të reja, e cila me shtesën për kushtet e punës dhe po ashtu, për ushqimin shkon në 116 mijë lekë të reja.
Për komisarët nga 105 mijë në 110.600 dhe me shtesën për kushtet e punës, plus për ushqimin, shkon në 125.600 lekë të reja.
Dhe për drejtuesit e thjeshtë, nga 130.500, paga do të shkojë 141.450 lekë të reja, që me shtesën dhe me ushqimin bëhet mesatarisht 156.450 lekë të reja.
Janë të gjitha lajme të mira për të gjitha këto kategori, sepse tani Shqipëria është në një nivel tjetër dhe ky fakt do të bëhet çdo vit dhe më i prekshëm në jetën e përditshme të njerëzve tanë, qoftë në sektorin publik, qoftë në atë privat, të njerëzve që jetojnë me punë. Sepse ata që na dhanë besimin e jashtëzakonshëm, me 83 mandate për Shqipërinë 2030, meritojnë çdo vit e më shumë dhe do të kenë çdo vit e më shumë.
Këta jemi ne, ky jam unë, kjo është Partia Socialiste e Shqipërisë.