Ferhati tha se atentati është fiksuar nga kamerat e sigurisë, ndërsa u shpreh se njërit prej autorëve i është bllokuar njëra armë ndërsa ndihmësi i ka dhënë menjëherë një armë tjetër.
Gazetaru tha se se ekziston mundësia që personat e përfshirë në atentat të kenë qenë të maskuar me maska plastike njerëzore, për të fshehur identitetin e tyre.
“Kam disa informacione se njëra prej armëve të atentatorëve duket sikur bllokohet, dhe kjo zgjat rreth 30 sekonda. Të tre personat kanë qenë të maskuar, nuk di nëse me maska të zakonshme apo me ato plastike që të japin një tjetër pamje. Në momentin që i bllokohet arma, i vjen menjëherë në ndihmë një person tjetër nga radhët e atentatorëve. Kjo ka qenë një togë pushkatimi, diçka frikshme, dhe për të qenë të sigurt për qëllimin e tyre, sipas kamerave të sigurisë, një prej atentatorëve me armë të shkurtër ka lëvizur në krahun e pasagjerit. Pra, informacioni ka qenë i saktë, personi që përdor armën e shkurtër, që qëllon mbi Gilmando Danin, mund të kishte qëlluar edhe shoferin, por nuk ka qenë ky qëllimi. Plumbat janë fokusuar pikërisht te Dani”, tha gazetari.
Ish-prokurori Eugen Beci tha në emisionin Now në Euronews Albania se atentati i ndodhur në mes të ditës 100 metra larg aeroportit të Rinas është cenim i rëndë i sigurisë kombëtare.
Sipas Becit, mënyra si e ka menaxhuar policia e shtetit këtë ngjarje sa i përket mbledhjes së provave është kaotike.
“Është një ngjarje e vështirë që duhet parë në 3 drejtime pavarësisht nga pasojat njerëzore që janë shumë të rënda. E para duhet parë a cenon sigurinë e rendit në aeroportin e vetëm ndërkombëtar që kemi. Të shtënat cenojnë sigurinë e aeroportit dhe të fluturimeve. E dyta, fakti që kemi të bëjmë me një vrasje të mirëorganizuar tregon se rendi dhe siguria është vënë në pikëpyetje të madhe që në një vend të sigurt si aeroporti të ndodhë një ngjarje kaq e rëndë. Dhe e treta që krimi i organizuar është më i fortë se kurrë sot që flasim.