Anasayfa » Besniku i premton martesë në Sarandë, por ajo çfarë i bën është e dhimbshme

Besniku i premton martesë në Sarandë, por ajo çfarë i bën është e dhimbshme

I dënuar me 9 vite burgim për veprën penale “Marrëdhënie seksuale ose homoseksuale me të mitur”, kapet dhe ndalohet 41-vjeçari.

Shërbimet e Komisariatit të Policisë Delvinë, morën informacione në rrugë operative dhe, në vijim të punës për lokalizimin dhe kapjen e shtetasve të shpallur në kërkim, realizuan orët e fundit operacionin e koduar me emrin “Shijani”.

Në kuadër të këtij operacioni, në vendin e quajtur “Rrethrrotullimi i Shijanit”, kanë bërë të mundur kapjen dhe ndalimin e shtetasit Besnik Banushi., 41 vjeç, banues në Delvinë.

Besnik Banushi ishte shpallur në kërkim, pasi Gjykata e Shkallës së Parë e Juridiksionit të Përgjithshëm Sarandë, me vendimin e datës 23 korrik 2026, e ka dënuar me 9 vite burgim për veprën penale “Marrëdhënie seksuale ose homoseksuale me të mitur”.

Bëhet fjalë një rast të ndodhur më datë 2 janar 2012.

Edhe pse arrestimi i sotëm u bë për llogari të vendimit të korrikut të këtij viti, Besnik Banushi që shihni në këtë foto që ju sjell noa.al, më herët ishte shpallur në kërkim ndërkombëtar pasi, Gjykata e Rrethit Gjyqësor Sarandë, më datë 29.01.2013, e kishte dënuar me 10 vjet burg, për kryerjen e veprës penale të “Marrëdhënie seksuale me të mitur”.

Ndaj në mars 2015 ai ishte arrestuar në Greqi për llogari të palës shqiptare, për të ekzekutuar atë vendim.

Është e paqartë sesi Banushi u gjend sërish në liri, por orët e fundit ai ra sërish në pranga.

Akuzat për Banushin nisën pasi në muajin Gusht 2011, është njohur me minorenen me inicialet Dh.N. Duke përfituar nga mosha e saj e vogël dhe pse e dinte që ajo ishte vetëm 13 vjeçe, nën premtimin për martesë ka kryer marrëdhënie seksuale me të.

Shënim: Çdo person që mund të përmendet në përmbajtjen e këtij artikulli, mbështetur mbi parimin procedural penal dhe atë universal të prezumimit të pafajësisë, konsiderohet i pafajshëm penalisht, nëse nuk ka ose deri kur të ketë një vendim të formës së prerë.

Shënim: Në disa lajme, imazhet gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.