Një ngjarje e rëndë është regjistruar në Elbasan, ku një 69-vjeçar është arrestuar nga policia pasi dyshohet se ka sulmuar bashkëshorten e tij.
I moshuari dyshohet se, për motive të dobëta, ka lyer me benzinë dhe më pas i ka vënë flakën 67-vjeçares.
Gruaja e dëmtuar është dërguar menjëherë në spital për mjekim dhe, sipas autoriteteve shëndetësore, ndodhet jashtë rrezikut për jetën.
Policia ka bërë të ditur se autori është vënë në pranga dhe materialet procedurale i janë referuar prokurorisë për veprime të mëtejshme ligjore.
