E BUJSHME – ‘Ai beri búrg per PD’, Berisha nxjerr uŕdhrin e prere kunder Salianjit

Lëvizjet e nisura nga një grup demokratësh, mes tyre ish-deputeti Ervin Salianji dhe Ilir Alimehmeti, duket se kanë vënë në lëvizje strukturat e Partisë Demokratike.

Megjithëse publikisht ditën e sotme Sali Berisha u shfaq i qetë dhe deklaroi se “nuk ndihet i sfiduar”, burime brenda forcës politike pohojnë se ai ka urdhëruar nisjen e një procesi të brendshëm analizash pas valës së reagimeve në bazë.

Vetëm pak orë pas takimeve të organizuara nga grupi i demokratëve që kanë nisur turin e tyre në rrethe, një udhëzim i firmosur nga Sekretari i Përgjithshëm Flamur Noka iu shpërnda degëve të PD në të gjithë vendin.

Në dokument kërkohet që menjëherë të fillojë analiza për rezultatin e zgjedhjeve të 11 majit, ku PD shënoi një tjetër humbje radhazi.

Një ditë më parë, Salianji dhe Alimehmeti zhvilluan një takim me strukturat e degës së PD në Durrës. Gjatë fjalimeve, demokratët e pranishëm kërkuan hapur zhvillimin e një analize të thellë të situatës ku ndodhet partia dhe të arsyeve që kanë çuar në një seri humbjesh zgjedhore.

Ndërkohë që vetë Salianji shprehu shqetësimin e dekomratëve të cilët kërkojnë ndryshim. Ish-deputeti theksoi se lëvizja e nisur prej tyre synon ripërtëritjen e Partisë Demokratike dhe kthimin e saj në një alternativë serioze qeverisëse.

“Demokratët janë duke thirrur, Shqipëria është duke thirrur, thirrjet e tyre s’duhen relativizuar dhe nuk duhen injoruar. Këto thirrje janë dhimbje që rëndojnë dhe duhet të rëndojnë në peshën e përgjegjësi të çdo politikani, e kam ndjerë këtë thirrje dhe përgjegjësia jonë duhet të jetë e qartë, PD duhet të përgatitet të udhëheqë ndryshimin”, tha Salianji.