Një ngjarje e rëndë është regjistruar në Paskuqan, ku një 39-vjeçar është gjetur pa shenja jete brenda një automjeti.
Viktima, me inicialet D. D., banues në Paskuqan, është konstatuar në rrugën “Ali Bakiu”. Sipas informacioneve paraprake të policisë, në trupin e tij nuk janë konstatuar shenja dhune, ndërsa dyshohet se vdekja ka ardhur për shkaqe natyrale.
Grupi hetimor po vijon punën për të zbardhur plotësisht rrethanat e ngjarjes dhe për të përcaktuar shkakun e saktë të vdekjes.
Njoftimi i policisë
Tiranë/Informacion paraprak
Në rrugën “Ali Bakiu”, brenda një automjeti është gjetur pa shenja jete dhe pa shenja dhune shtetasi D. D, 39 vjeç, banues në Paskuqan.
Automjeti rezulton në pronësi të vëllait të tij, shtetasit P. D. Paraprakisht dyshohet se humbja e jetës ka ardhur për shkaqe natyrale.
Grupi hetimor po vijon veprimet për sqarimin e plotë të rrethanave të rastit dhe përcaktimin e saktë të shkakut të vdekjes.
© BalkanWeb
