Identifikohen tre të rinjtë që mbetën të plagosur me thikë mbrëmjen e së mërkurës në Sarandë, pas një konflikti të ndodhur në një subjekt tregtar.
Të plagosurit janë vëllezërit Elidon Shukulli, 24 vjeç, dhe Mario Shukulli, 20 vjeç, si dhe Andi Saliaj, 19 vjeç.
Burime spitalore bëjnë me dije se 24-vjeçari Elidon Shukulli është nisur drejt Tiranës për të marrë trajtim më të specializuar mjekësor.
Ngjarja ndodhi rreth orës 21:55, në një subjekt tregtar në lagjen nr. 1 të Sarandës, pranë hyrjes për në shëtitoren e qytetit.
Pas hetimeve të kryera, policia ka bërë të mundur identifikimin e personave të përfshirë në konflikt. Në pranga është vënë Kamelo Aliaj, 22 vjeç, si dhe një prej të plagosurve, Andi Saliaj, 19 vjeç. Ndërkohë, Eduard Bajrami, 19 vjeç, është shpallur në kërkim.
Sipas policisë, ndaj tyre rëndojnë akuzat për “plagosje të rëndë me dashje” dhe “prishje të rendit dhe qetësisë publike”.
Hetimet vijojnë për zbardhjen e plotë të dinamikës së konfliktit dhe përcaktimin e përgjegjësive të secilit prej personave të përfshirë.
Comments are closed.