G*diti me grusht qytetarin e shoqëruar gjatë protestës së sotme, pezullohet nga detyra efektivi i “Shqiponjave”

Pezullohet nga detyra punonjësi i Forcës së Posaçme “Shqiponja”, pasi u filmua duke goditur me grusht një qytetar të shoqëruar gjatë tubimit të sotëm në Rrugën e Durrësit në Tiranë.

Vendimi është marrë nga Drejtori i Përgjithshëm i Policisë së Shtetit, Skender Hita, pas publikimit në rrjetet sociale të videos ku shfaqet momenti i goditjes.

Punonjësi, inspektor J. H., është pezulluar menjëherë nga detyra, ndërsa ndaj tij ka nisur edhe hetimi disiplinor për përdorim të paligjshëm dhe të paarsyeshëm të forcës.