Anasayfa » i hidhen prangat 37-vjeçarit dhe 46-vjeçares që i njohu bashkë

i hidhen prangat 37-vjeçarit dhe 46-vjeçares që i njohu bashkë

Është vënë në pranga së fundmi nga Policia e Lezhës, shtetasi Elton Kola 37-vjeç, vetëm dy ditë pasi rasti i tij, për marrëdhenie seksuale me një 15-vjeçare u bë publik nga emisioni invetsigativ “Stop”.

Në sajë të ngjarjes së ndodhur, bëhet me dije se 37-vjeçari akuzohet për veprën penale “Marrëdhënia seksuale ose homoseksuale me dhunë me të mitur të moshës 14-18 vjeç”. Ndërkaq, bëhet me dije se në pranga është vënë dhe 46-vjeçarja Albina Gjokhilaj e cila mësohet të jetë ndërmjetësuesja mes dyshes së rastit të rëndë.

“Në përfundim të veprimeve të kryera nga specialistët për Hetimin e Trafiqeve të DVP Lezhë, në bashkëpunim me specialistët për Hetimin e Krimeve të Komisariatit të Policisë Lezhë, në drejtimin e Prokurorisë së Lezhës, u ndaluan shtetasit:

-E. K., 32 vjeç, për veprën penale “Marrëdhënia seksuale ose homoseksuale me dhunë me të mitur të moshës 14-18 vjeç”;

-A. Gj., 46 vjeçe, për veprat penale “Trafikimi i të miturve” dhe “Moskallëzimi i krimit”. “, thuhet në njoftimin e Policisë.

Vlen për t’u theksuar këtu se Elton Kola, gjatë intervistimit të tij nga emisioni “Stop” është prezantuar si 37 vjeç.

Njoftimi i Policisë:

Reagim i Drejtorisë Vendore të Policisë Lezhë, mbi rastin e transmetuar më datë 17.11.2026, në emisionin investigativ “STOP”, për abuzim seksual me një shtetase të mitur.

Shërbimet e Policisë, menjëherë pas transmetimit të rastit, kanë kryer verifikimet dhe veprimet e nevojshme hetimore dhe procedurale për dokumentimin ligjor të rastit dhe vënien e autorëve përpara përgjegjësisë penale.

Në vijim të këtyre veprimeve, shërbimet e Policisë kanë komunikuar me familjarët e shtetases së mitur, njëri prej të cilëve, shtetasi A. K., është paraqitur dje, në Komisariatin e Policisë Lezhë, dhe ka bërë kallëzim për rastin.

Në përfundim të veprimeve të kryera nga specialistët për Hetimin e Trafiqeve të DVP Lezhë, në bashkëpunim me specialistët për Hetimin e Krimeve të Komisariatit të Policisë Lezhë, në drejtimin e Prokurorisë së Lezhës, u ndaluan shtetasit:

-E. K., 32 vjeç, për veprën penale “Marrëdhënia seksuale ose homoseksuale me dhunë me të mitur të moshës 14-18 vjeç”;

-A. Gj., 46 vjeçe, për veprat penale “Trafikimi i të miturve” dhe “Moskallëzimi i krimit”.

Shtetasi E. K. dyshohet se ka kryer marrëdhënie seksuale me dhunë me shtetasen e mitur 15 vjeçe, e cila dyshohet se vuan nga probleme të shëndetit mendor, ndërsa shtetasja A. Gj. dyshohet se ka ndërmjetësuar takimin e të miturës me shtetasin E. K..

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprimeve të mëtejshme.

Drejtoria Vendore e Policisë Lezhë falënderon stafin e emisionit investigativ “STOP”, për bashkëpunimin, dhe garanton se çdo indicie apo denoncim për cenimin e të drejtave dhe sigurisë së të miturve trajtohet me seriozitet maksimal, duke ndërmarrë të gjitha veprimet e nevojshme ligjore për mbrojtjen e tyre.

Si ndodhi ngjarja e plotë, tentativat për manipulime dhe mashtrimi i familjes së 15-vjeçares:

15-vjeçarja, me probleme të shëndetit mendor, e konfuzuar dhe e mërzitur me familjen e saj vendosi që të largohej nga shtëpia pa lajmëruar njeri. E ndodhur në një situatë dhe moshë që nuk di se çfarë vendimi të saktë të marrë për veten e saj, e mitura pranon të takohet me 37-vjeçarin, Elton Kola, i cili i është prezantuar asaj si 30 vjeç. Falë “ndihmës” së 46-vjeçares Albina Gjokhilaj, e cila dyshohet të jetë ndërmjetëse e dyshes së rastit, pasi ka ndihmuar të miturën të takohet me 37-vjeçarin, e mitura pas kafes në një lokal më Kolën, ka përfunduar në hotel me të.

Sipas pretendimeve të Elton Kolës, ai dhe e mitura kanë kryer së bashku marrëdhënie seksuale me dëshirën e të dyja palëve.

Pedofilizmi i Enton Kolës merr përmasa të tjera kur për kamerën e fshehtë të emisionit “Stop” ai shprehet: Tashi, kur nji vajzë të fërkohet vetë, unë mashkull jam, gjak e mish kam. Kemi kryer marrëdhënie. Qëndrova 1 orë e gjysmë në hotel me të.

Teksa Enton Kola ishte në hotel me të miturën, familja e kësaj të fundit, e shqetësuar për gjendjen e saj e telefonte prej orësh, mirëpo telefoni i saj ishte në duart e Albinës. 46-vjeçarja i përgjigjet familjes dhe e mashtron pasi iu thotë se vajza e tyre është mirë, është me të në shtëpi, vetëm se është në gjumë dhe nuk flet dot me ta. Mirëpo teksa familja e vajzës shqetësohej për vendndodhjen e saj, e mitura ishte në hotel me 37-vjeçarin.

Pas takimit, që Elton Kola thotë se është kryer me dëshirën e të dyja palëve, e mitura përfundon në mes të katër rrugëve dhe pa lekë të mjaftueshme për të qëndruar në hotel (raporothet se ka pasur vetëm 8 mijë lekë).

Kokëfortë për të mos komunikuar me të atin, babai i saj fut “mik” një të afërmin e tyre, për të cilin ishte i bindur se e mitura do të fliste. Pas një ditë të tmerrshme të kaluar në një nga hotelet e Lezhës, vajza përgjigjet në telefon dhe shprehet se ndodhet në mes të katër rrugëve, në një market në Tiranë, aty ku familjarët e saj mbërritën me shpejtësi dhe u bashkuan me të.

Teksa priste të bashkohej me familjen, vajza u ndihmua nga një zonjë, pronare e marketit ku kaloi orë të tëra duke pritur që të vinin e ta merrnin sepse vendimi për largimin nga shtëpia rezultoi i gabuar.