Korreshi: Mu dogj lavatriçja me gjithë TV në Lushnje, ja çfarë jam detyruar të bëj

Deputeti demokrat ka denoncuar situatën e rëndë në Lushnje, sipas tij, qytet që vuan nga probleme serioze me sistemin shëndetësor, energjinë dhe bujqësinë.

“…Ka nevojë emergjente Lushnja për sistem uluktrik, mua m’u dogjën të gjitha pajisjet, nuk fola deri tani, të gjitha u dogjën nga kolpot e tensionit. Po ata hallexhinjtë e tjerë çfarë bëjnë? Një kontratë për serën nuk e lidh dot, që të çojë kabëll aty për pompën. Samiti i NATO-s i ra “I”-ja, mirupafshim”, tha ai.

Fjala është për deputetin e Partisë Demokratike, Saimir Korreshi, i njohur për ligjërimin e tij pa doreza dhe me nuanca ironike e popullore.Gjatë fjalës së tij në Kuvend mbi diskutimet e buxhetit, ai ngriti një sërë denoncimesh me tone mjaft kritike lidhur me situatën socio-ekonomike dhe infrastrukturën në zonën e Lushnjes:

Shpenzimet e buxhetit dhe ndihma për fermerët: Korreshi kontestoi shifrat e ndara për bujqësinë, duke u shprehur se mbështetja financiare është minimale. Sipas tij, mbështetja për fermerët nuk mjafton as për blerjen e çizmeve të punës apo pastrimin e kanaleve të ujitjes.

Punësimet dhe fondet e bashkisë: Ai akuzoi pushtetin vendor se harxhon shumëfish më tepër fonde për rroga dhe punësime me kontrata provizore sesa për investime në rrugë e kanale.

Kanalet ujitëse të bllokuara: Deputeti denoncoi braktisjen e kanaleve kulluese e ujitëse, të cilat sipas tij janë mbuluar nga ferrat me lartësi të madhe, duke penguar punën e bujqve.Gjendja e spitalit dhe shëndetësisë: Korreshi përshkroi një situatë skandaloze në spitalin e Lushnjes. Ai deklaroi se te reparti i pneumologjisë mjeku vetë është sëmurë nga myku i ambientit. Po ashtu, denoncoi se në repartin e pediatrisë mungon uji në lavamanë dhe infermierët u shpëlajnë duart fëmijëve me legen.

Pajisjet skanuese dhe lëvizja: Ai vuri në dukje me ironi se njerëzit detyrohen të shkojnë me biçikletë për bërjen e skanerit pasi nuk kanë mundësi të tjera lëvizjeje.

Rrjeti elektrik dhe vështirësitë për serat: Ai denoncoi luhatjet e forta të tensionit elektrik në zonë, duke pohuar se nga goditjet e tensionit u janë djegur pajisjet elektro-shtëpiake banorëve (përfshirë edhe atij vetë). Ai theksoi gjithashtu pamundësinë e fermerëve për të lidhur një kontratë apo për të çuar kabllo elektrike te serat për pompimin e ujit.