Kuvendi ka miratuar reformën e re administrativo-territoriale me 85 vota pro, që do të ulë numrin e bashkive në Shqipëri nga 61 në 46.
Vëmendje të veçantë morën votat e deputetëve socialistë Erion Braçe dhe Vullnet Sinaj, të cilët më herët ishin shprehur kundër reformës, por në votimin përfundimtar u rreshtuan pro saj.
Ndryshimi i qëndrimit të deputetëve vjen pas paralajmërimeve të bëra ndaj tyre se mund të përjashtoheshin nga grupi parlamentar në rast se votonin kundër reformës. Paralajmërimet janë raportuar në kuadër të diskutimeve brenda grupit të Partisë Socialiste, përpara votimit në Kuvend.
Në votim morën pjesë gjithashtu Elisa Spiropali dhe Belinda Balluku. Prania e kësaj të fundit në Kuvend vjen pas një mungese të gjatë, që nga koha kur mazhoranca rrëzoi kërkesën e SPAK për heqjen e imunitetit dhe dhënien e autorizimit për arrestimin e saj
Comments are closed.