Një zbulim makabër u bë rreth orës 20:00 të së dielës, në një trotuar në zonën e Agios Panteleimonas në qendër të Athinës, në kryqëzimin e rrugëve Alkamenous dhe Charissis.
Sipas mediave greke aty është gjetur një valixhe që përmbante një trup njerëzor.
Policia greke ka rrethuar zonën dhe po kryen hetime, ndërsa në vendngjarje ndodhet edhe një mjek ligjor. Sipas informacioneve, bëhet fjalë për trupin e një gruaje.
Pak më herët, një shtetas i huaj 29-vjeçar u paraqit në komisariat dhe raportoi për një valixhe nga e cila vinte një erë e rëndë. Kur policia mbërriti në vendngjarje, hapi valixhen dhe gjeti trupin.
Ngjarja e rëndë vjen vetëm pak muaj një shtetas afgan vrau një grua skoceze, trupin e së cilës e futi në një valixhe dhe e hodhi në një ndërtesë të braktisur.
