Për Rolando Maran do të jetë debutim në stolin kuqezi. Trajneri italian pasoi Silvinjon, që e mbylli pas 3 vitesh e gjysmë bashkëpunim.
Maran ka surprizuar me zgjedhjen e para jo pak. Anis Mehmeti që nuk është preferuar nga Silvinjo, e nis si titullar. Po ashtu Juljan Shehu është ulur në stol, ndërsa rikthehet Ylber Ramadani si titullar. Uzuni mungon për arsye shëndetësore.
NGJARJET KRYESORE
74’ Plas sherr në fushë pasi Gloukh u bën me shenjë tifozëve të pushojnë dhe Hysaj reagon. (VIDEO)
73’ Shënon Izraeli! Një kundërsulm i shpejtë i miqve finalizohet me Gloukh i cili me një diagonale mposht Sherrin. (VIDEO)
70’ Solomon provon përsëri rrezikshëm nga jashtë zonës, sfera për fat nuk gjen portën e Sherrit dhe ndalet në rrjetën e jashtme. (VIDEO)
68’ Kaniçovski dhe Stoinov lënë fushën, duke i bërë vend J. Levi dhe Blorian.
67’ Një aksion i Hoxhës nga e majta me pasimin në qendër thuajse sjell një autogol pas një devijimi të mbrojtjes izraelite. (VIDEO)
66’ Mitaj merr fundoren në të majtën, pasimi i tij në qendër kthehet në këndore
63’ Asllani gjuan nga distanca, sfera kalon mbi traversë.
61’ Shehu, Bajrami dhe Daku hyjnë në fushë në vend të Ramadanit, Mehmetit dhe Brojës në radhët e kuqezinjve.
59’ Sherri shpëton kuqezinjtë! Solomon depërton në zonë dhe gjuan i vetëm para portierit i cili me një devijim instinkti shmang golin. (VIDEO)
54’ Ramadani fiton topin para zonës kundërshtare dhe gjuan nga distanca, me sferën e cila kalon mbi traversë. (VIDEO)
50’ Solomon gjen hapësirë dhe provon të gjejë portën, sfera shkon larg katërkëndorit. (VIDEO)
46’ Toreil, Turgeman, Peretz dhe Dasa i lënë vendin në fushë Lavi, Toklomiti, Mizrahi dhe Glazer në radhët e Izraelit në startin e pjesës së dytë.
45’+1’ Mbyllet pa gola pjesa e parë.
45′ Jepet një minutë shtesë.
43’ Broja niset në krahun e djathtë me një nga shpërthimet e zakonshme, ai tenton portën por sfera bllokohet nga një mbrojtësit izraelitë. (VIDEO)
42’ Izraelitët ekzekutojnë një goditje dënimi nga e djathta, sfera shkon drejt Sherrit i cili e kontrollon pa probleme. (VIDEO)
39’ Top i gjatë i Asllanit, Mehmeti nuk ia del të kontrollojë në zonë.
37’ Torriel nga jashtë zonës tenton të befasojë Sherrin, sfera shkon larg katërkëndorit. (VIDEO)
34’ Hoxha nga e majta tenton me një gjuajtje në shtyllën e largët, as ai nuk gjen portën. (VIDEO)
33’ Një top i rrezikshëm në qendër për fat nuk kontrollohet nga Gloukh dhe sfera shkon në duart e Sherrit. (VIDEO)
29’ Përsëri Mehmeti është ai që rrezikon portën e Izraelit me një gjuajtje të harkuar nga e majta e sulmit. Sfera shkon jashtë, jo shumë larg shtyllës së largët. (VIDEO)
22’ Përsëri Asllani provon në kufijtë e zonës, sfera bllokohet nga mbrojtja. (VIDEO)
18’ Asllani provon nga jashtë zonës, sfera nuk gjen portën izraelite. (VIDEO)
15’ Glukh shfaqet rrezikshëm në zonë në të majtën, gjuajtja e tij drejt shtyllës së largët për fat nuk gjen portën. (VIDEO)
14’ Shfaqen përpara edhe izraelitët me aksion në krahun e majtë. Në fund është Revivo ai i cili gjuan nga jashtë zonës por sheh sferën të devijohet në këndore.
10’ Rast i artë për kuqezinjtë me Hysajn i cili nis një krosim perfekt nga e djathta për Mehmetin. Sulmuesi është i vetëm para portës por gabon duke fluturuar sferën mbi traversë. (VIDEO)
8’ Hoxha tenton të afrohet në zonë nga e djathta por vonon pasimin për Mehmetin.
4’ Presing i lartë menjëherë që në startin e ndeshjes për Kombëtaren shqiptare që kërkon topin ndërsa izraelitët pasojnë në prapavijë.
1’ Kuqezinjtë shkelmojnë topin e parë në “Air Albania”.
FORMACIONET ZYRTARE
SHQIPËRIA: Sherri; Mitaj, Ajeti, Gjimshiti, Hysaj, Ramadani, Asllani, Laçi, Mehmeti, Broja, Hoxha
Trajner: Rolando Maran
IZRAELI: Peretz; Revivo, Lemkin, Stoinov, Dasa, Gloukh, Kaniçovski, Peretz, Toriel, Turgmen, Solomon
Trajner: Gal Kohen
PANORAMASPORT.AL
