Përplasja e fundit verbale në formatin “Ferma VIP”, ku Ola i është drejtuar me fjalor fyes moderatores Arbana Osmani, ka ngritur diskutime të shumta në hapësirën publike.
Rrjedha e këtyre ngjarjeve ka risjellë në fokus një tjetër detaj të kaluar, duke ngritur pikëpyetje mbi një lidhje të mundshme farefisnore mes banores dhe bashkëshortit të moderatores, regjisorit Eduart Grishaj.
Ky diskutim e ka zanafillën nga një episod i transmetuar disa ditë më parë brenda shtëpisë. Gjatë një aktiviteti ku organizatorët shfaqën një prej filmave të realizuar nga Grishaj, në përfundim të projeksionit, Ola ka deklaruar përpara banorëve të tjerë: “Eduart Greshaj, kushëriri jem”.
Paralelisht me këtë deklaratë, vëmendje ka marrë edhe një fragment nga një intervistë e vjetër televizive e regjisorit me moderatorin Arian Çani.
Gjatë bisedës rreth prejardhjes së tij, Çani i drejtohet me fjalët: “Je me origjinë nga Bajza, pra në veri të Shqipërisë e cila është një zonë në kufi me Malin e Zi”, një përcaktim që është konfirmuar nga vetë Grishaj.
Kjo e dhënë po qarkullon së fundmi si një element shtesë që mund të mbështesë pretendimin e konkurrentes për lidhjen e përbashkët familjare.
Comments are closed.