Tre persona kanë humbur jetën dhe 5 të tjerë janë plagosur në dy aksidente të rënda të regjistruara sot në Rrugen e Arbrit dhe në Fushë-Krujë.
Në aksidentin e parë, u përplasën dy makina, tek Shkalla e Tujanit në Rrugën e Arbrit, për pasojë humbën jetën dy persona.
Shoferi i njërës makinë Bledian Osmani, 42 vjeç dhe Maltina Ferati, pasagjerë në mjetin tjetër. 5 persona mbetën të plagosur.
Aksidenti i dytë ndodhi në autostradën Thumanë–Fushë-Krujë, pranë Luzit, ku një automjet tip Mercedes Benz përplasi këmbësorin 65-vjeçar Paulin Filopati, i cili humbi jetën. Bashkëshortja e tij, shpëtoi pa u dëmtuar.
Ora 14:49
Një aksident i rëndë ka ndodhur pak më parë në autostradën Thumanë–Fushë-Krujë, në afërsi të Luzit.
Paulin Filopati, nga Mirdita, i cili po kalonte rrugën, është goditur nga një automjet tip ‘Mercedes’, që drejtohej nga Floxhen Bardhi.
Si pasojë, 65-vjeçari ka ndërruar jetë në vend. Për mrekulli ka shpëtuar e shoqja, e cila ndodhej vetëm një hap larg tij.
Paraprakisht, dyshohet se shkak i aksidentit të jetë kalimi i pakujdesshëm i rrugës nga këmbësori, si dhe shpejtësia e madhe e automjetit që po drejtonte Bardhi.
Njoftimi i policisë:
Krujë/Informacion paraprak
Rreth orës 14:10, në aksin rrugor “Fushë-Krujë–Thumanë”, automjeti me drejtues shtetasin F. B., rreth 19 vjeç, ka aksidentuar këmbësorin, shtetasin P. F., rreth 65 vjeç, i cili si pasojë ka ndërruar jetë.
Drejtuesi i automjetit është shoqëruar në Komisariat për veprime të mëtejshme procedurale.
Grupi hetimor vijon punën për sqarimin e rrethanave të aksidentit.
DIBËR- Një aksident i rëndë me dy viktima u regjistrua paraditen e sotme tek Shkalla e Tujanit, në Rrugën e Arbrit.
Dy automjete janë përplasur me njëri-tjetrin e për pasojë kanë humbur jetën Bledian Osmani, 42 vjeç, drejtuesi i njërit prej automjeteve dhe Maltina Ferati, pasagjere në automjetin tjetër.
Ndërkohë, 5 të tjerë mbetën të lënduar dhe janë dërguar ne spital.
Grupi hetimor në vendngjarjepo punon për zbardhjen e shkaqeve të aksidentit fatal.
