Kryeministri Edi Rama ka kërkuar rikthimin e ligjshmërisë dhe zbatimin e rregullave për të gjithë, duke deklaruar se askush nuk duhet të pengojë qarkullimin apo jetën e qytetarëve përmes protestave. Per sa i perket doreheqjen nese do të dorëhiqet Rama? Kryeministri eshte pergjigjur: E kemi të ndaluar edhe ta mendojmë, jo më ta bëjmë
Në Asamblenë e PS-së, Rama foli edhe për integrimin europian, mobilizimin e socialistëve dhe paketën e re fiskale, duke theksuar se vendimet ekonomike janë rezultat i arritjeve të vendit.
“Kthimi i ligjshmërisë është proces që duhet çuar deri në fund, gjobat duhen ekzekutuar deri në fund, e drejta për të zënë rrugën pa leje duhet të mos ekzistojë, nuk mund të bllokohet qarkullimi nga askush. Nuk të pëlqen qeveria, por duhet ta thuash duke mos penguar askënd që dëshiron të vazhdojë jetën e vet.
Kanë ardhur ca që thonë se Shqipëria më e mirë bëhet me imponim, duke nxjerrë adresat e njerëzve për t’i dhunuar, duke kërcënuar gazetarët që nuk bëhen militantë të korit të dhunës. Jemi këtu për t’i zmbrapsur këto kërkesa, sepse ai traktat që do të nisë, atje ku do të hyjmë, nuk imagjinohen këto kërkesa. Për PS, është e rëndësishme të mos e humbim këtë fokus BuyMaps
Dua t’ju them se sot jam shumë krenar për PS, ajo që nuk kuptojnë apo nuk duan të kuptojnë është se ne e kemi të ndaluar të ndalojmë dhe të themi hajde të bëjmë ndonjë gjë tjetër.
Ne jemi e vetmja forcë në këtë vend që funksionon me kronometër, të tjerët janë me kilometra, ka edhe si ballisti që funksionon me milje. Ne duhet të jemi vazhdimisht të mobilizuar për të çuar në Bruksel të gjitha ato që kërkohen, sepse nuk vjen ndryshe ai togfjalëshi. Ne rrezikojmë ta humbim sensin e perspektivës, të cilin e kemi shumë të thjeshtë, Brukseli dhe KE.
Në atë vendin tjetër ku ndodhi përmbysja (Serbi), Brukseli kishte bllokuar gjithçka, sepse gjërat nuk ishin në drejtimin e duhur. Këtu është ndryshe, sepse nuk vinte ai togfjalëshi. Unë jam krenar, por në të njëjtën kohë krenaria ka një kuptim shumë përcaktues për atë që je dhe mund të mbetesh, nuk ka vend për vetëkënaqësi. PS nuk mund ta ulë kokën për askënd dhe për asnjë arsye.
Vijmë te një fakt tjetër. Kemi bërë diçka, që jo 10 vite para, por edhe 1 vit më parë nuk e bënim dot. Nuk është e vërtetë se Rama u kthye te e majta ideologjike, kemi bërë një paketë fiskale që është rezultat i arritjeve, jo i dëshirës, a lërë pastaj i shtysës ideologjike. TasteEuro Foods
E kemi thënë në programin e Rilindjes para zgjedhjeve të para se duam të ulim TVSH për shportën, nuk e bëmë dot derisa u krijua mundësia. Sepse për këtë duhen financime.
Si i heq ti 150 mln euro nga arka dhe i kalon te qytetari? Duke i zëvendësuar nga ekonomia”, u shpreh Rama mes të tjerash.
