Më pak se 24 orë pas udhëzimit të Edi Ramës, deputetët socialistë nisën takimet me qytetarët në kuadër të nismës “Prania Besnike”. Nga kafenetë e lagjeve te hapësirat publike, socialistët dolën në terren për të dëgjuar shqetësimet e qytetarëve. Por në ditën e parë nuk ishin të gjithë.
Urdhri i kryeministrit Edi Rama për deputetët socialistë për të qenë çdo të premte në terren nisi të zbatohet këtë 4 shtator, në orën 17:00.
“Prania Besnike” është konceptuar si një kontakt i drejtpërdrejtë mes deputetëve dhe qytetarëve, me takime që, sipas Ramës, duhet të zhvillohen pa kamera, pa formalitete partiake dhe në ambiente neutrale. Qëllimi është që qytetarët të flasin drejtpërdrejt për problemet e tyre, ndërsa deputetët t’i përcjellin më tej shqetësimet në institucionet përkatëse.
Nga Bërzhita në Kombinat, deputetët nisën dëgjesat
Në Tiranë, disa prej deputetëve socialistë e nisën menjëherë zbatimin e udhëzimit.
Anila Denaj zhvilloi takimin me qytetarët në një kafene në Bërzhitë, ndërsa Ervin Hoxha zgjodhi një lokal në rrugën “Migjeni”, në Njësinë 11.
Albana Koçiu u shfaq në Sheshin Garibaldi në Kombinat, ndërsa ministri i Kulturës Blendi Gonxhe zhvilloi takimin në një bar-kafe në Mëzez.
Një tjetër format zgjodhi Ogerta Manastirliu, e cila zhvilloi takimin në Bibliotekën “Petro Zheji”, në Njësinë 9.
Edhe Taulant Balla e nisi nismën në terren, duke zhvilluar takimin me qytetarët në Kavajë.
Në këto takime, ideja ishte që deputetët të mos mjaftoheshin me një komunikim formal, por të dëgjonin individualisht problematikat e qytetarëve dhe t’i mbanin shënim për t’i ndjekur më pas.
“Prania Besnike” shtrihet edhe në qarqe
Takimet nuk u kufizuan vetëm në Tiranë.
Në Qarkun e Korçës, deputetët socialistë nisën takimet me banorët në kuadër të platformës “Besa”, e lidhur me mekanizmin e ri të komunikimit me qytetarët.
Besa Spaho zhvilloi takime në Drenovë, Romina Kuko në Rajonin 2 të Korçës, ndërsa Genti Lakollari u takua me banorët në Miras.
Takime pati edhe në Pogradec, ku ishte i pranishëm Bledi Çomo, si dhe në Qendër-Bulgarec, ku u zhvillua takimi me Ilirjan Pendavinjin.
Nga takimet e para në këtë qark, shqetësimet e ngritura nga qytetarët lidhen kryesisht me pensionet, rrugët, problematikat e pronave dhe çështje të tjera që prekin jetën e përditshme.
Edhe në Gjirokastër, deputeti socialist Piro Dhima zhvilloi takim me banorët. Megjithatë, në këtë rast takimi u zhvillua në ambientet e zyrave të Partisë Socialiste, ndryshe nga ideja e përcaktuar nga Rama për ambiente neutrale.
Jo të gjithë deputetët iu përgjigjën në ditën e parë
Por ndërsa një pjesë e deputetëve dolën në terren që në javën e parë të “Pranisë Besnike”, jo të gjithë u shfaqën në ditën e parë.
Në listën e deputetëve për të cilët nuk u evidentua një takim publik më 4 shtator janë Elisa Spiropali, Fatmir Xhafaj dhe Erion Braçe.
Mungesa e tyre u vu në dukje në raportimet për nisjen e nismës, ndërsa mbeti e paqartë nëse takimet do të zhvillohen në javët në vijim apo nëse do të ketë një format tjetër për zonat që ata mbulojnë.
Edhe në qarqe të tjera pati zona ku nuk u evidentuan takime në ditën e parë, çka tregon se zbatimi i nismës nuk ishte i njëtrajtshëm në të gjithë territorin.
Rama: Çdo të premte, në orën 17:00
Sipas Edi Ramës, kjo nuk duhet të jetë një nismë e njëhershme, por një angazhim i përjavshëm.
Deputetët duhet të jenë çdo të premte, në orën 17:00, përballë qytetarëve, me synimin që shqetësimet të dëgjohen drejtpërdrejt dhe të marrin një përgjigje përmes institucioneve.
Rama e ka përcaktuar këtë mekanizëm si një mënyrë të re komunikimi mes mazhorancës dhe qytetarëve, ndërsa paralelisht ka kërkuar që deputetët të mos funksionojnë si ndërmjetësues për interesa individuale, por si përfaqësues që dëgjojnë dhe ndjekin problematikat e zonave të tyre.
Premtimi i kryeministrit është që “Prania Besnike” të mos ndalet pas takimit të parë, por të kthehet në një rutinë javore të deputetëve socialistë.
Megjithatë, që në nisje, nisma solli edhe pikëpyetjen e parë politike: Sa prej deputetëve do ta zbatojnë rregullisht urdhrin e Ramës dhe sa do të mbeten jashtë këtij mekanizmi?
Pas të premtes së parë, bilanci tregon se një pjesë e deputetëve u shfaqën menjëherë në terren, ndërsa për disa të tjerë mbetet për t’u parë nëse do të shfaqen në takimet e ardhshme./Alfapress.al
Më pak se 24 orë pas udhëzimit të Edi Ramës, deputetët socialistë nisën takimet me qytetarët në kuadër të nismës “Prania Besnike”. Nga kafenetë e lagjeve te hapësirat publike, socialistët dolën në terren për të dëgjuar shqetësimet e qytetarëve. Por në ditën e parë nuk ishin të gjithë.
Urdhri i kryeministrit Edi Rama për deputetët socialistë për të qenë çdo të premte në terren nisi të zbatohet këtë 4 shtator, në orën 17:00.
“Prania Besnike” është konceptuar si një kontakt i drejtpërdrejtë mes deputetëve dhe qytetarëve, me takime që, sipas Ramës, duhet të zhvillohen pa kamera, pa formalitete partiake dhe në ambiente neutrale. Qëllimi është që qytetarët të flasin drejtpërdrejt për problemet e tyre, ndërsa deputetët t’i përcjellin më tej shqetësimet në institucionet përkatëse.
Nga Bërzhita në Kombinat, deputetët nisën dëgjesat
Në Tiranë, disa prej deputetëve socialistë e nisën menjëherë zbatimin e udhëzimit.
Anila Denaj zhvilloi takimin me qytetarët në një kafene në Bërzhitë, ndërsa Ervin Hoxha zgjodhi një lokal në rrugën “Migjeni”, në Njësinë 11.
Albana Koçiu u shfaq në Sheshin Garibaldi në Kombinat, ndërsa ministri i Kulturës Blendi Gonxhe zhvilloi takimin në një bar-kafe në Mëzez.
Një tjetër format zgjodhi Ogerta Manastirliu, e cila zhvilloi takimin në Bibliotekën “Petro Zheji”, në Njësinë 9.
Edhe Taulant Balla e nisi nismën në terren, duke zhvilluar takimin me qytetarët në Kavajë.
Në këto takime, ideja ishte që deputetët të mos mjaftoheshin me një komunikim formal, por të dëgjonin individualisht problematikat e qytetarëve dhe t’i mbanin shënim për t’i ndjekur më pas.
“Prania Besnike” shtrihet edhe në qarqe
Takimet nuk u kufizuan vetëm në Tiranë.
Në Qarkun e Korçës, deputetët socialistë nisën takimet me banorët në kuadër të platformës “Besa”, e lidhur me mekanizmin e ri të komunikimit me qytetarët.
Besa Spaho zhvilloi takime në Drenovë, Romina Kuko në Rajonin 2 të Korçës, ndërsa Genti Lakollari u takua me banorët në Miras.
Takime pati edhe në Pogradec, ku ishte i pranishëm Bledi Çomo, si dhe në Qendër-Bulgarec, ku u zhvillua takimi me Ilirjan Pendavinjin.
Nga takimet e para në këtë qark, shqetësimet e ngritura nga qytetarët lidhen kryesisht me pensionet, rrugët, problematikat e pronave dhe çështje të tjera që prekin jetën e përditshme.
Edhe në Gjirokastër, deputeti socialist Piro Dhima zhvilloi takim me banorët. Megjithatë, në këtë rast takimi u zhvillua në ambientet e zyrave të Partisë Socialiste, ndryshe nga ideja e përcaktuar nga Rama për ambiente neutrale.
Jo të gjithë deputetët iu përgjigjën në ditën e parë
Por ndërsa një pjesë e deputetëve dolën në terren që në javën e parë të “Pranisë Besnike”, jo të gjithë u shfaqën në ditën e parë.
Në listën e deputetëve për të cilët nuk u evidentua një takim publik më 4 shtator janë Elisa Spiropali, Fatmir Xhafaj dhe Erion Braçe.
Mungesa e tyre u vu në dukje në raportimet për nisjen e nismës, ndërsa mbeti e paqartë nëse takimet do të zhvillohen në javët në vijim apo nëse do të ketë një format tjetër për zonat që ata mbulojnë.
Edhe në qarqe të tjera pati zona ku nuk u evidentuan takime në ditën e parë, çka tregon se zbatimi i nismës nuk ishte i njëtrajtshëm në të gjithë territorin.
Rama: Çdo të premte, në orën 17:00
Sipas Edi Ramës, kjo nuk duhet të jetë një nismë e njëhershme, por një angazhim i përjavshëm.
Deputetët duhet të jenë çdo të premte, në orën 17:00, përballë qytetarëve, me synimin që shqetësimet të dëgjohen drejtpërdrejt dhe të marrin një përgjigje përmes institucioneve.
Rama e ka përcaktuar këtë mekanizëm si një mënyrë të re komunikimi mes mazhorancës dhe qytetarëve, ndërsa paralelisht ka kërkuar që deputetët të mos funksionojnë si ndërmjetësues për interesa individuale, por si përfaqësues që dëgjojnë dhe ndjekin problematikat e zonave të tyre.
Premtimi i kryeministrit është që “Prania Besnike” të mos ndalet pas takimit të parë, por të kthehet në një rutinë javore të deputetëve socialistë.
Megjithatë, që në nisje, nisma solli edhe pikëpyetjen e parë politike: Sa prej deputetëve do ta zbatojnë rregullisht urdhrin e Ramës dhe sa do të mbeten jashtë këtij mekanizmi?
Pas të premtes së parë, bilanci tregon se një pjesë e deputetëve u shfaqën menjëherë në terren, ndërsa për disa të tjerë mbetet për t’u parë nëse do të shfaqen në takimet e ardhshme./Alfapress.al Nisin “braktisjet”? Pasi Rama dha urdhërin të dalin në terren, ja kush janë deputetët që nuk po i përgjigjet
Comments are closed.