Një ngjarje tragjike ka tronditur ishullin Alonisos në Greqi, ku një 50-vjeçare ka humbur jetën pasi është shtypur nga një automjet i rëndë, në timonin e të cilit ndodhej bashkëshorti i saj 59-vjeçar.
Aksidenti fatal është regjistruar mesditën e kësaj të diele, më 15 nëntor, teksa çifti kishte dalë për të mbledhur dru.
Për arsye që ende nuk janë bërë të ditura, gruaja ka përfunduar poshtë rrotave të mjetit, duke ndërruar jetë në vendngjarje.
Pas tragjedisë, autoritetet greke kanë vënë në pranga bashkëshortin e saj, ndërsa kanë nisur hetimet për të zbardhur se si ndodhi ngjarja.
Ndërkohë, trupi i pajetë i 50-vjeçares do të transportohet fillimisht në Volos dhe më pas në Larisa, ku do të kryhet autopsia për të përcaktuar shkakun e vdekjes dhe rrethanat e plota të aksidentit.
