Një video me përmbajtje të rëndë ka nisur të qarkullojë paraditen e sotme në rrethin e disa gazetarëve. Në pamje shfaqen dy burra që dyshohet se abuzojnë seksualisht me një vajzë në një restorant, e cila duket se ndodhet në gjendje të dehur.
Njëri prej protagonistëve, një burrë me syze, dyshohet dhe përflitet se mund të jetë një drejtues dhe analist i njohur në Tiranë, me inicialet F. H. Megjithatë, identiteti i tij nuk mund të konsiderohet i konfirmuar dhe mund të përcaktohet vetëm nga autoritetet kompetente, nëse do të nisë një hetim.
Personi tjetër nuk identifikohet në pamje, pasi në momentin e pretenduar të cenimit të integritetit fizik të vajzës shfaqet me shpinë nga kamera.
Sipas disa burimeve, vajza, e cila në pamje duket se është në gjendje të dehur, dyshohet se është një personazh i njohur për publikun televiziv.
Sipas të njëjtave burime, ajo ka kaluar më herët një dramë familjare dhe ka marrë pjesë në disa programe televizive. Këto të dhëna, megjithatë, mbeten të pakonfirmuara.
Ndërsa videot e lidhura me Adi Hilën, nëse nuk përmbajnë materiale të paligjshme, mund të lidhen me çështje të regjistrimeve të fshehta apo të hakerimit të dyshuar, pamjet në fjalë ngrenë dyshime serioze për një rast të mundshëm të sulmit seksual.
Nuk dihet ende nëse policia është vënë në dijeni për rastin apo nëse ka nisur ndonjë hetim. Në pamje, megjithatë, duket se dy burrat kryejnë veprime që ngrenë dyshime për tentativa për të kryer marrëdhënie seksuale pa pëlqimin e vajzës.
Vajza duket se nuk jep pëlqimin, refuzon dhe përpiqet të shmangë situatën.
Nëse këto pamje janë autentike dhe konteksti i tyre është ai që pretendohet, rasti do të kërkonte verifikim të menjëhershëm nga autoritetet kompetente.
Sipas të dhënave paraprake, ngjarja dyshohet se ka ndodhur gjatë muajve të fundit.Ndodh në Tiranë/ Kush është analisti i njohur që sulmon sek*ualisht një vajzë të showbiz-it në restorant! (Pamjet)
Comments are closed.